Halvferdigt

Nokre har etterlyst bilete frå huset, men ingen rom er heilt ferdige.  Eg prioriterar å få malt det som skal malast, så får møblar, gardiner og pynt koma etter kvart.  Difor ser det ganske halvferdig ut overalt.  

Eg har fått panelplater på veggen. 

Eg tenkte fyrst å bruka omatt dei gamle listene,

men dei hadde vore spikra fast med firetoms-

spikar og vart ganske stygge, så eg kjøpte nye.

Eg stod på trelasthandelen og skrytte over at eg

var møbelsnikkar og skulle greia å montera

profilerte lister, men den som måtte til med

sparkelmasse i alle hjørner og skøytar, var meg!

I denne veggen var det tidlegare eit innbygt skap,

sjå her.  Skapet er fjerna for å gje meir plass i

trappa. 

Døra som går opp til loftet er veldig

smal.  Tidlegare var ho kamuflert

med same plater som var på veggen.

Eg synest det er meir naturleg om det

går an å sjå at her er ei dør.  Skal

pussa og mala døra.

Før var trappa 20 cm smalare, det var

vanskeleg for to å passera kvarandre

i trappa.  Fekk ein nabo til å laga nye

trinn så trappa fylte ut heile trappe-

rommet.

For å få den nye trappa på plass,

måtte veggen rivast, og deretter

byggjast opp igjen.  Så no må det

isolerast og nytt panel på.

Me har ein fin uteplass på verandaen, veldig lunt

og godt.

Viss me greier å oversjå rotet rundt: ei list som

held på plass solskjerminga fordi heise-

mekanismen på innsida er demontert på

grunn av plating på veggene...

...og diverse verktøy som ligg

rundtom.  Det er ganske ryddig

akkurat no, køyrde vekk eit lass med

gamle lister, plater og panel for

nokre dagar sidan.

Her under markisa er det fint å stå og

saga når det regnar...

...men på golvet kan me snart dyrka poteter i det

tjukke laget med sagflis.

Tome banankassar frå flyttinga.

Hadde tenkt å gje dei vekk til nokon

viss nokon andre skulle flytta, men så

byrja borna å saga i dei.

Mitt rom er midlertidig lager for

hylleplater, gardinstenger og panel-

omnar.  Skittentøykorga må stå på

rommet mitt fordi det ikkje er plass

på badet.

Greit å ha fleksible Ivar-hyller når

flyttar ofte - håpar likevel det ikkje

flytting på ganske lenge no.

Håpar og på å få rom åleine når alle borna sine

rom er ferdige.  Akkurat no søv Peter på mitt

rom, når hans rom er ferdig skal Otto sova i køya.

Oppussinga er i gang

No er det eit par veker sidan eg overtok huset, og oppussinga er i gang.  Eg har fått mykje hjelp av vener og familie, veldig godt, for eg var ikkje motivert for ny runde med oppussing i sommar.  Hadde tenkt borna og eg skulle ha ein roleg sommar i år.

Flott utsikt utover Movatnet (sjølv om me

har flottare her me leiger, det ligg litt høgare)

Mykje fine planter i hagen i tillegg til

ugraset.  Eg er så glad i Peonar!

Eg har ikkje heve meg på retro-bylgja, så

kjøkenet held eg på å mala.  Heldigvis er det

så solid laga at dei småtinga som ikkje er i

orden kan reparerast.  Ikkje verst med tanke

på at kjøkenet er 50 år gamalt!

No vert skåpa mala kvite både inni
utanpå.  Det var ganske tungt med
gulna frontar, og rotete med seks
ulike fargar inni skåpa.  Tydeleg at
det har vorte brukt malingrestar.
Veggene skal malast beige.

Stova er ikkje så stor, 25 kvadratmeter.  På

austveggen er desse sjarmerande
blyglasvindaugo.  Me har byrja setja opp
panelplater på veggene i stova.

Dette skapet var innbygt i veggen i stova og stakk

inn i loftstrappa som er på baksida av veggen slik

at den er ganske smal.  No har me fjerna skapet for

å få litt betre plass i trappa.

Dette skal verta Karina sitt soverom. 

Her var det delvis panel og delvis

strietapet på veggen.  Eg har malt eitt

rom med strietapet på allereie, stova i
kjellaren, og det vart DYRT og
tidkrevjande fordi stria trekkjer så
mykje maling.

Eg har set opp panel på dei veggene som mangla

det, no skal det snart malast kvitt.  Bak den ny-

panelte veggen er det ein liten håndvask med

 kaldt vatn, så Karina kan ta tannpussen på

rommet.

Badet er ikkje heilt moderne, men
greitt nok til at me kan leva med det
slik i nokre år.

Dette skal verta Peter sitt soverom.  Det er inn-

bygde skap både på soveromma og i gangen

i hovudetasjen.

Dette skal verta Martin sitt soverom.

Soverommet i husværet i kjellaren. 

Her er det kvitt på veggene no. 

Eg har allereie fått leigebuar, så

husværet i kjellaren var det fyrste

som vart ordna.

Kjøkenet i husværet, her vart det og

malt kvitt på veggene. 

Eg har kjøpt hus!

Hadde nokon fortalt meg for eit år sidan at eg snart skulle verta huseigar, hadde eg ikkje trudd dei.  Men eg vart oppsagd her eg bur no, og det var eit hus til sals ein halv kilometer lenger nede i lia.  Huset hadde vore til sals lenge utan at noko stor interresse, så eg fekk det til ein overkomeleg pris.

Huset er frå 1961.

Det er berre ein sti ned til huset, parkeringsplass

ved vegen.

STORT vindauga i stova med STOR utsikt!

Utleigedel i kjellaren



Det er mange kott og boder i huset, mellom anna

fire kott på lofet!

Dette biletet avskrekka meg i fyrste omgang frå å

gå på visning, men det var ikkje så gale som det

såg ut til.

Teikningane av huset.

Det er fem soverom i huset i tillegg til husværet i

i kjellaren, så me får eitt kvar!