onsdag 31. oktober 2012

Dette laga eg av dei gamle hylleplatene

Det vart hyller på Martin sitt rom!
 
 Det er lite golvplass til overs på Martin sitt rom, så eg laga kassar av dei gamle hylleplatene og mala dei i friske fargar og hengde dei opp i passeleg høgd for ein fireåring.



Rillene i platene gjer at det går an å setja bilete oppå kassane.

søndag 14. oktober 2012

Kva kan dette verta?


Eg har det slik at eg har vanskeleg for å kvitta meg med ting.  Og eg blir lett freista til å ta ting som andre har kvitta seg med.  Når eg er på bosplassen, kan eg ikkje lata vera å kikka ned i kontainarane for å sjå om det er noko fint der.  Men eg har til no ikkje klatra ned for å henta noko.  Det gjeld spesielt tre og stoff.  Eg har eit heilt lager av diverse treplater, lister og fjøler og har planar eller idear for ein del av dei. 

Sengebotn.  Eg har fire stykke, kvar med 16 fjøler, nokon som kan gissa kva eg vil bruka dei til?  Det vil seia, eg er i gang, men vil ikkje visa det heilt enno.

Så har eg ein del hylleplater som eg fann i ein konteiner utanfor Rundevoll Skole i Egersund.  Det vil seia Otto fann dei, men no har me gjort ein bytehandel sidan eg fekk ein ide til bruk av platene.  Snart ferdig med det prosjektet og. 

onsdag 3. oktober 2012

Klokke med mønster frå porselen

Sjølv om eg ikkje greidde få biletet rett veg etter eit par forsøk, skjønar de at dette er ei klokke.  Me fekk henne til bryllaupet, og har hatt henne på veggen i nokre år.  No har ho lege i ein kasse fordi eg ikkje tykte det passa med trekvitt på kjøkenet lenger.
 

Men eg hadde ikkje lyst å ha ho heilt kvitmalt heller
 
 Så eg let meg inspirera av kvardagsserviset mitt, Anna frå Figgjo.
 Ikkje heilt lett å mala fint med interiørmaling, men på avstand ser det ok ut.
Malingen må turka før eg kan hengja klokka opp, skal ta bilete av både klokka og kjøkenet seinare.

søndag 30. september 2012

Jonas steikeplatestativ

Litt reklame i dag for ei god oppfinning for oss som ikkje har nok benkeplass:


Jonas steikeplatestativ frå Clas Ohlson!

Eg såg eit steikeplatestativ hjå ei svensk husmor
for 11 år sidan, og oppdaga nyleg at Clas 
Ohlson sel slike.  I dag då eg baka muffins
til Peter sitt selskap, tok eg det i bruk.  På den
plassen ei steikeplate tek, kan eg no stabla fire
plater.  Eg slepp å setja plater på vasken (og
risikera at det sprutar vatn på baksten) eller på
kjøkenbordet (då må eg fyrst leggja bordskånarar
på).

Stativet er samanleggbart...


...og tek liten plass når det ikkje er i
bruk.  Det kostar 139 kroner.

onsdag 5. september 2012

Vimpelrekkje til Martin

Martin og eg hadde ein koseleg dag heime i sist veke. 
 
Me valde stoff saman.

Det meste er restar, eit par stoff er nye.

Martin svinsa rundt og leika seg medan eg sydde. 

Martin insisterte på å ha gensaren bak fram, men faktisk matchar fargen på gensaren vimpelrekkja.

1, 2, 3, ...16 vimplar.

Det rutete stoffet er av eit utsliten skjorte.


Vimpelrekkje med friske fargar til ein frisk gut!
 
Det høyrer med til historia at vimpelrekkja ikkje fekk hengja i fred.  Då borna byrja å bruka henne til å binda fangar med, redda eg henne og gøymde henne.

søndag 26. august 2012

Bokomslag i stoff

Då borna kom heim med bøker som skulle ha bre på, hadde eg ikkje lyst å bruka papir, for det varar ikkje eit heilt skuleår.  Ville prøva å sy omslag av stoff, eg har litt å ta av...restar og gamle gardiner til dømes. 
 
Otto sine bøker fekk omslag i blått.  Har brukt
dei gamle gardinene hans og nokre restar.




Slik gjer eg det, dette er Karina si lesebok:

Klipp stoffet 3-5cm større enn boka oppe og
nede.  Stoffet bør vera 15 cm større på begge
sidene.

Brett inn stoffet oppe og nede.

Du må berekna 2 mm ekstra både oppe og nede
så omslaget ikkje vert for trongt. 


Stryk.



Brett inn sidene.

Set i knappenåler


Klar til å sy!

Sy 1 mm frå kanten.
 
Omslaget er klart til å takast på. 



Spent på om stoffet er stivt nok til å beskytta
bokryggen godt nok.



Då eg hadde trena meg på eit par
omslag, tok det berre 10 minuttar
å sy eit omslag.  Håpar at dei
fungerara og beskyttar boka. 
Viss omslaga ikkje blir utslitne på
eit skuleår, kan dei kanskje brukast
neste år viss bøkene har same
storleik.




tirsdag 21. august 2012

Kjellargangen


Eg var ferdig med å mala kjøken,
stova og alle soveromma for eit par
veker sidan.  Det var ei god kjensle,
men etter nokre dagar fekk eg
abstinensar og gjekk laus på kjellar-
gangen sidan eg synest det var greit
å mala før eg sette opp hyller langs
veggen.

Før: blågtått tak, lysegule vegger,
rosa lister og grøne dørar.  Mørke-
grøne linoleumsfliser på golvet.

Legg merke til takhøgda: 257 cm. Eg
har i alle fall aldri budd i eit hus med
slik takhøgd før, dei to siste stadane
har det vore under 220.  Det skal ut-
nyttast.
Etter:  Taket kvitt, veggen lysegrå,
listene mørkegrå.  Dørane skal få eit
nytt strøk med grønt, synest det er
ryddig med grøne dørar når golvet og
er grønt.


Ytterklede, sko og sykkelhjelmar har
lege i banankassar sidan me flytta
inn, ikkje så lett å halda orden i det.


Etter ein del grubling kom eg fram til
denne barnehageinspirerte garderobe
løysinga!  Utgangspunktet er Gorm-
hyller frå IKEA.  Eg mala dei i same
gråfarge som listene og skøytte på dei
i høgda.
Fem hylleseksjonar etter kvarandre, ein til kvar. 
Hylleplata over skoa er til å sitja på når ein skal
kle på og av seg.


I kvar seksjon skal eg skru opp
knaggrekkjer i passande høgd til
kvar av borna og meg.  Til dess ligg
alle kleda på hylla.  Sko og ting ein
brukar sjeldan skal liggja i dei øvste
hyllene.


Har gått i gang med å mala resten av kjellar-
gangen, men eg har ikkje tålmodighet til å mala
så nøye lenger, kjenner eg.  For eksempel bak
desse røyra tek eg det ikkje så nøye.

Det er innbygde skap mange stader i
huset, men dette er spesielt:

Heimelaga varmeskap.  Eit
varmeelement (meiner eg har sett denne
typen under benkene i gamle kyrkjer)
med hønsenetting over.  Til å setja våte
sko på.  Stang til å hengja våte klede på
øvst i skapet.