Viser innlegg med etiketten Før og etter. Vis alle innlegg
Viser innlegg med etiketten Før og etter. Vis alle innlegg

mandag 29. juni 2015

Veranda, gjerde og hagemøblar.

I fjor viste eg bilete av  terrassen min som vart fornya. Veranda er nok eit betre omgrep å bruka ifylgje Språkrådet. Her kjem før og etter-bilete av prosjektet:

Før: Ikkje så lett å sjå på dette biletet, men verandaen har rusta rekkverk.

Etter: Nytt, fint rekkverk i tre

Før

Etter

Før: Trappa ned til kjellaren var opptærd og stygg

Etter: Med terrassebord vart trappa mykje finare

Før: Ikkje så sjarmerande med rusta rekkverk og opptært betonggolv.

Etter: Grusen held seg på plass no som det har vorte eit trinn opp på verandaen.

Før: Betongen var veldig opptært og vond å gå på

Etter

Før: Skiljeveggen delte verandaen i to, det samla seg berre rot på den inste delen.

Før: Kledninga var delvis rotna.

Etter: Ein stor veranda er betre tykkjer eg. (Eg får veldig lyst å mala huset kvitt når eg ser kor mange ulike fargar det er på biletet)

Før: Markisa var øydelagd

Etter: Eit permanent gjennomsiktig tak vart praktisk. Her kan me sitja om det regnar. Her kan eg leggja putene når det regnar. Drivhuset er omtala her.

Etter



Før: Eg hadde berre ein benk og eit bord

Etter: Eg laga to nye bord (det gamle var litt skralt), ein ekstra benk og to nye stolar. Med to av alt kan me ha besøk på verandaen utan å måtta dra ut bord og stolar frå stove og kjøken.

Før

Etter

Stolane er konstruerte på same måte som benken, men kortare. Dei vart veldig gode å sitja i.

Møblane skal malast kvite når eg får tid.

Dei nye hagemøblane laga eg av restematerialar frå altangolvet. Eg måtte kjøpa inn litt ekstra materialar og skruer for til saman 1000 kr. Synest det vart billig for to bord, ein benk og to stolar.

Før: Eg greidde aldri å lika det gamle rekkverket. Nokre sa det var for gale å ta ned det flotte og solide rekkverket, men eg har ikkje angra ein dag.

Før: Det gamle var nok litt meir gjennomsiktig enn det nye, men det gjer meg ikkje noko.

Etter: Det nye rekkverket er laga i modular og sett fast i stolpane frå det gamle rekkverket

Eg malte alle delane til rekkverket før det vart sett opp. 200 delar. Eg malte eitt strøk til etter montering for å dekka skruehola. Håpar det held i mange år, for det var litt av ein jobb.


fredag 22. november 2013

Å skifta glidelås på juksemåten

Glidelåsen på denne jakka gjekk sund for eit par år sidan.  Han som hadde ho, har vakse ifrå henne, men no hadde ein av dei andre gutane bruk for vinterjakke.  Grua meg veldig for å skifta glidelås, det såg ut til å vera tidkrevjande og vanskeleg å få fint.  Men eg fekk eit godt tips der eg kjøpte glidelåsen:



Klipp vekk glidelåsen....





 ...og sy den nye oppå!

 Der eg peikar med sprettekniven, var den gamle glidelåsen



Den nye glidelåsen er ikkje så diskret som den gamle... 

...men det gjer ikkje noko når det er belegg som løyner alt.  Gjort på mindre enn ein halvtime.  Å gjera det på den skikkelege måten, hadde sikkert teke to timar.

torsdag 31. oktober 2013

Mala loftstrapp og gang

Trappa opp til loftet og gangen oppe har vore ein mørk og forsømt stad i huset.  Det stod ein sofa der ei stund, tenkte at borna kunne bruka gangen til loftsstove.  Men sofaen vart mest brukt til lager for klede som skulle ut på loftet.  Ei veninne hadde bruk for sofa, og borna hadde lyst å bruka gangen til å byggja togbane og byar i Lego.
Her er det mørkt!  Ei lyspære prøver å lysa opp.

 Då eg flytta inn, fekk eg vølt trappa og veggen til venstre, så det er lyst treverk enno. Sjå kvifor eg gjorde det her.

No har eg malt taket kvitt (Bomull) og veggene grøne. Eg malte fyrst veggene i ein gulgrøn nyanse som heiter Empire, men eg fekk vondt i augene av å sjå på, og fekk tips på Jotun si facebookside om at Krydderurt kunne verta betre, og det stemde.  Krydderurt er meir grågrøn.  Dessutan har eg fått ein betre lampe.  No held eg på å mala golvet og trappa i fargen Mohair.

Sidan to av borna har rom på loftet, har eg ikkje malt heile golvet, og berre annakvart trinn i trappa.  Om eit par dagar er eg ferdig å mala golvet, men eg må ikkje setja møblar på det malte golvet før etter ei veke.  Har tenkt å ha bokhyller på gangen, ikkje andre møblar.

lørdag 24. august 2013

Sovesofa vert trapp

Eg (og fleire mannlege slektningar) har laga nytt bad til leigebuarane i kjellaren. Sidan det er 72 cm i nivåforskjell på det rommet som no har vorte bad og resten av leiligheten, måtte eg laga ei trapp.

Den fyrste utfordringa var å finna billig material.  Då eg kom over denne sovesofaen i ein konteiner (spurde om lov til å ta denne gongen), skjøna eg at dette kom til å verta gratis!

Då eg var lærling, var eg ei stund med på trappeproduksjon, men eg fekk ikkje noko grundig opplæring i trappeteikning.  Men denne russiske trappekalkulatoren teikna trapp til meg på eit splittsekund (då eg hadde tasta inn måla eg ville ha).

På denne sida kan du velja mellom utrulege 66 språk, ikkje alt er heilt vellukka, men teikningane er forståelege.

Trappa var ferdig på fire timar.  Eg tok ikkje sveineprøve i trappefaget, så eg treng ikkje skjemmast over at skruene er synlege.  Det viktigaste er at trappa vart gratis og god å gå i.

Det nye badet ligg innanfor soverommet i leiligheten.  Det var tidlegare eit uinnreia kjellarrom, og me laga døropning i samband med at me laga til badet i vår.

torsdag 8. august 2013

Fornying av hageputer

I fjor sommar då eg flytta inn i nytt hus, fekk eg hagemøblar av nokre vener.  Det fylgde puter med som er gode å sitja på, men eg synest dei er litt dystre med den svarte botnfargen på stoffet.


 Knappane (som er trekte med stoff) har rusta, så dei klipte eg vekk...

...og erstatta med kraftig tråd.  Trur putene vil missa fasongen om det ikkje er noko som bind saman.

Tanken var å kjøpa eit blått stoff med prikkar og eit blått stoff med roser på, men då eg fann dette raude på tilbod, klarde eg ikkje kjøpa det blå til full pris.  Det linfarga med roser var ikkje på tilbod, men litt billigare enn det blå med roser.

Trekket er sydd av dei to ulike stoffa, og med glidelås på eine kortsida, så det skal vera lett å ta av og vaska.

No vil eg prøva denne puta i nokre dagar før eg syr dei fem andre putene. Ein ting eg har lagt merke til, er at hjørnene er for spisse, trur eg må runda dei litt av.