Viser innlegg med etiketten Husmortips. Vis alle innlegg
Viser innlegg med etiketten Husmortips. Vis alle innlegg

fredag 22. november 2013

Å skifta glidelås på juksemåten

Glidelåsen på denne jakka gjekk sund for eit par år sidan.  Han som hadde ho, har vakse ifrå henne, men no hadde ein av dei andre gutane bruk for vinterjakke.  Grua meg veldig for å skifta glidelås, det såg ut til å vera tidkrevjande og vanskeleg å få fint.  Men eg fekk eit godt tips der eg kjøpte glidelåsen:



Klipp vekk glidelåsen....





 ...og sy den nye oppå!

 Der eg peikar med sprettekniven, var den gamle glidelåsen



Den nye glidelåsen er ikkje så diskret som den gamle... 

...men det gjer ikkje noko når det er belegg som løyner alt.  Gjort på mindre enn ein halvtime.  Å gjera det på den skikkelege måten, hadde sikkert teke to timar.

søndag 30. september 2012

Jonas steikeplatestativ

Litt reklame i dag for ei god oppfinning for oss som ikkje har nok benkeplass:


Jonas steikeplatestativ frå Clas Ohlson!

Eg såg eit steikeplatestativ hjå ei svensk husmor
for 11 år sidan, og oppdaga nyleg at Clas 
Ohlson sel slike.  I dag då eg baka muffins
til Peter sitt selskap, tok eg det i bruk.  På den
plassen ei steikeplate tek, kan eg no stabla fire
plater.  Eg slepp å setja plater på vasken (og
risikera at det sprutar vatn på baksten) eller på
kjøkenbordet (då må eg fyrst leggja bordskånarar
på).

Stativet er samanleggbart...


...og tek liten plass når det ikkje er i
bruk.  Det kostar 139 kroner.