Viser innlegg med etiketten Jul. Vis alle innlegg
Viser innlegg med etiketten Jul. Vis alle innlegg

mandag 19. januar 2015

Nystekrans

Inspirert av ein krans eg såg på den lokale garnbutikken, Hardingsaumen, laga eg denne kransen før jul.  Eigentleg burde eg ha posta dette i desember - eller venta til neste desember, men no kjem det altså no. 



 Utgangspunktet mitt var diverse garnrestar og prosjekt som eg hadde gjeve opp.

Burde ha kasta det for lenge sidan, men eg har ikkje så lett for å kvitta meg med ting...

Eg laga eit nyste eller ein ball av dei fargane eg ikkje ville ha utanpå på omlag 5 cm i diameter.  Sidan dekka eg den uynskte fargen med garn i dei fargane eg ville bruka.

Eg laga 11 nyste i fire ulike fargar som passar til min julepalett.  Nystene trædde eg på ein kraftig ståltråd (hesjestreng) og knytte på eit band til dekor og oppheng.  Kransen eg vart inspirert av hadde ikkje raud, men fleire kvite nyste.

søndag 7. desember 2014

Peparkakegrend

Ein dag var overraskinga i adventskalendaren at me skulle laga fire peparkakehus, altså eitt til kvar.  Me laga husa av IKEA-deig etter ulike mønster.  Nokre dagar seinare fekk me tid til å pynta husa. 

 Melisglasur med egg 

og konditorfarge

 Klar for pynting

Lego Friends-inspirert peparkakehus

Ein brukar rikeleg med nonstop

Ein annan pyntar sirleg med ein og ein

Kjekt når borna er så store at dei kan gjera pyntejobben sjølve

No får legomennene ein stad å bu

Kafe Friends

Juletregang



Heile grenda 

lørdag 30. november 2013

Peparkakehus

I dag har me baka peparkaker og paparkakehus.  Eg fann eit fint mønster her på bloggen Hobbybruket.  Me forminska det frå 34 cm langt til 28 cm langt.













søndag 23. desember 2012

Nytt kamera!

 Eg har fått nytt kamera! 
 Eit brukt Canon EOS 550D
 Eg hadde tenkt å betala det sjølv, men då brørne mine fekk nyss i det, ville dei svært gjerne betala litt i det som julegåve.
 Så strengt tatt burde det liggja under treet.
 Stoor forskjell på det gamle kompaktkameraet og dette nye spegelreflekskameraet,
men fotografen er ikkje utlært akkurat.




 Fyrsteklassingen Peter har pakka inn gåve til veslebror Martin.  GOD IUL.  Koseleg!

Julegåvesekker

Karina vert så glad at ho står på eitt bein når
ho får nattklede.  Jula 2011.
På julafta er me mange, og det vert ganske mange gåver til kvar sjølv om eg prøver å begrensa litt så borna ikkje skal verta bortskjemde.  I alle år har me hatt kvar vår pappøskje for å halda litt orden på gåvene når dei er opna.  Banankassar er anvendelege til dette, men ikkje så sjarmerande.
 
Eg har eit par slike striesekker, dei er fine til å ha gåvene i.

Det er ikkje nok med to, så eg leita i stofflageret mitt og fann nokre meter strie som vart til overs då eg sydde juletreteppe i fjor. (Ja, eg kjøpte 6 meter sidan det var så billig.)

Noko billig svart stoff i polyester-bomull-blanding fann eg og.  Det stilige notestoffet kjøpte eg nyleg på IKEA.

Alle sekkene er ulike, pynta med restar av stoff og band.

Originalsekkene er 1 meter høge og 60 cm breie, så eg sydde dei nye etter det målet. 
 


 
Har ikkje heilt nok til alle, men vil supplera med nokre fletta pilekorger. 

lørdag 24. desember 2011

Vetlejulafta

Den enklaste måten å få inn juletreet 
var å heisa det opp på verandaen 
utanfor stova.

Sidan det er 3,6 m under taket i stova, 
tykte eg det ville verta pjarre med eit tre
på 2 m, så eg fekk Johannes til å henta
eit "bedehus-tre" på 3 meter.  Det var 
berre så vidt eg klarte å setja stjerna i 
toppen, og det tok 1,5 time å pynta det.

 Men eg syntest det var verd det.

Hjarta sydd av gamalt putetrekk



Skjortene til julafta og 1.juledag er strokne og klare.