Viser innlegg med etiketten Oppussing. Vis alle innlegg
Viser innlegg med etiketten Oppussing. Vis alle innlegg

mandag 29. juni 2015

Veranda, gjerde og hagemøblar.

I fjor viste eg bilete av  terrassen min som vart fornya. Veranda er nok eit betre omgrep å bruka ifylgje Språkrådet. Her kjem før og etter-bilete av prosjektet:

Før: Ikkje så lett å sjå på dette biletet, men verandaen har rusta rekkverk.

Etter: Nytt, fint rekkverk i tre

Før

Etter

Før: Trappa ned til kjellaren var opptærd og stygg

Etter: Med terrassebord vart trappa mykje finare

Før: Ikkje så sjarmerande med rusta rekkverk og opptært betonggolv.

Etter: Grusen held seg på plass no som det har vorte eit trinn opp på verandaen.

Før: Betongen var veldig opptært og vond å gå på

Etter

Før: Skiljeveggen delte verandaen i to, det samla seg berre rot på den inste delen.

Før: Kledninga var delvis rotna.

Etter: Ein stor veranda er betre tykkjer eg. (Eg får veldig lyst å mala huset kvitt når eg ser kor mange ulike fargar det er på biletet)

Før: Markisa var øydelagd

Etter: Eit permanent gjennomsiktig tak vart praktisk. Her kan me sitja om det regnar. Her kan eg leggja putene når det regnar. Drivhuset er omtala her.

Etter



Før: Eg hadde berre ein benk og eit bord

Etter: Eg laga to nye bord (det gamle var litt skralt), ein ekstra benk og to nye stolar. Med to av alt kan me ha besøk på verandaen utan å måtta dra ut bord og stolar frå stove og kjøken.

Før

Etter

Stolane er konstruerte på same måte som benken, men kortare. Dei vart veldig gode å sitja i.

Møblane skal malast kvite når eg får tid.

Dei nye hagemøblane laga eg av restematerialar frå altangolvet. Eg måtte kjøpa inn litt ekstra materialar og skruer for til saman 1000 kr. Synest det vart billig for to bord, ein benk og to stolar.

Før: Eg greidde aldri å lika det gamle rekkverket. Nokre sa det var for gale å ta ned det flotte og solide rekkverket, men eg har ikkje angra ein dag.

Før: Det gamle var nok litt meir gjennomsiktig enn det nye, men det gjer meg ikkje noko.

Etter: Det nye rekkverket er laga i modular og sett fast i stolpane frå det gamle rekkverket

Eg malte alle delane til rekkverket før det vart sett opp. 200 delar. Eg malte eitt strøk til etter montering for å dekka skruehola. Håpar det held i mange år, for det var litt av ein jobb.


lørdag 30. august 2014

Terrassebord og gjerde

Kanskje bra at eg ikkje vart kontakta av TV2 og Tid for hjem.  Det er ikkje alltid eg er misunneleg på dei som får pussa opp heimane sine på dei mest sære måtar.  Men det er utruleg fascinerande å sjå på. 

 Her på min eigen veranda er det eg som har bestemt korleis det skal sjå ut og bror min som gjer arbeidet.  No skjønar eg kvifor folk betalar fagfolk for å gjera jobben.

Fantastisk å koma heim frå arbeid og sjå at det har vorte gjort noko medan eg var vekke, i staden for å måtta laga middag, og tvinga seg sjølv til å arbeida ei økt før borna må leggjast, og så ut igjen ei økt etterpå.


Både gjerde og levegger er fjerna.  Ny levegg og halvtak skal koma på enden av verandaen.



Eg burde absolutt ha olja golvborda før det kom regn, men eg fekk ikkje tid denne veka.  Kanskje eg rekk det neste veke, det skal vera fint ver då og.

fredag 29. august 2014

Oppgradering av veranda

I julegåve frå yngste bror min fekk eg lovnad om hjelp til å pussa opp verandaen min.  Han er tømrar og har det travelt med ulike prosjekt.  Men for to veker sidan vart det min tur.  Tidlegare i sommar kjøpte eg inn material til spiler og malte dei så eg skulle sleppa å mala etter at gjerdet var sett opp.

Ein del av spilene.  Med spiler og andre delar til gjerdet vart det 200 delar som eg har behandla etter alle kunstens reglar: vaska med kraftvask og reint vatn, turka godt, grunna og malt to strøk.  Håpar det held i ti år!



Markisa og gjerdet er demontert 

 Gjerdet skal gjenbrukast som grinder hjå ein annan bror som har kyr

 Eg freste eit spor i stolpane til gjerdet...



 ...som passar inn på røyra som står att frå det gamle metallgjerdet.

Nokon som kan gissa kva to slike krukker og blomar kosta?

mandag 14. juli 2014

Kryssing av to spisebord...

Eg har fått to spisebord som har kvar sine kvalitetar.

Dette er stort og godt med to ileggsplater, men beina byrjar å verta lause.  Eg har prøvt å festa dei betre, men det vert aldri heilt bra.

 Dette bordet har solid festa bein, men berre ei ileggsplate.

Så no vil eg foreina den store plata med dei gode beina.   Det viste seg etter litt prøving og feiling at eg IKKJE skulla ha korta av sargen likevel, men eg fann to fjøler som eg skal bruka, dei må berre turka til i morgon.

 I mellomtida malar eg kjøkenstolane kvite.