Viser innlegg med etiketten kjøken. Vis alle innlegg
Viser innlegg med etiketten kjøken. Vis alle innlegg

lørdag 16. august 2014

Blått og kvitt på kjøkenet

Eg likar så godt blått og kvitt.  Blå har for det meste vore min favorittfarge.  For 10-12 år sidan, då dei to eldste var små, hadde det lenge vore på moten med mørkeblå barnevogner, men så byrja dei å laga svarte.  Det var mykje finare, så me fekk tak i ei brukt svart barnevogn.  Eg kunne ikkje skjøna at nokon synest det var fint med mørkeblå vogner.  Eg trur eg meinte det fordi ein står friare til å velja farge på vognpose eller dynetrekk om ein har svart vogn.  Nok om det, her kjem nokre bilete av kjøkenet mitt.   



I sommar har eg malt kjøkenstolane kvite, dei var olja mørkebrune før.  Dei har og fått nytt trekk - i blått og kvitt.





lørdag 12. januar 2013

Ny benkeplate på plass!

I dag har eg kosa meg med kjøkenprosjektet mitt: skifta ut benkeplater, vask og blandebatteri.  Sidan borna er vekke i helga har eg arbeidd uforstyrra og kunne ta meg god tid for å få eit nøyaktig og fint resultat.  Veldig fornøgd!
Før

No

Før

No
 Forskjellen viser ikkje så godt på dei små bileta, men eg synest forskjellen er stor på kjøkenet.


 Både benkeplate, oppvaskkum og blandebatteri er kjøpt på IKEA.

 Eg var optimistisk når det gjaldt å skifta blandebatteriet, men det passa ikkje, så pappen måtte hjelpa meg å få tak i dei rette delane.



 Det var ein del tilpassingar, men eg lånte ei god sag, så det vart veldig fint, tykkjer eg.

 Denne plata i emalje har eg ikkje skifta ut, ho er nesten ikkje sliten.  Til å setja varme gryter på.  Den nye benkeplata har veldig likt mønster.  Den keramiske toppen på komfyren har og eit liknande mønster, så det vart ein fin heilskap.

 Eg fann to tiøringar frå 1962 bak den gamle benkeplata.  Eg hugsar den typen frå då eg var lita.  Andre som gjer det?

 Slik ser det ut no, men eg er ikkje ferdig:

 1. Må tetta igjen holet som vart etter den gamle utslagsvasken.  Kanskje laga til ei høgare dør og.

 2. Mala det som var bak den gamle stålplata før og fuga med silikon inntil veggen.

3.  Ny vifte!  Og vifteskap.

fredag 11. januar 2013

Benkeplata på kjøkenet

Borna er vekke i helga, og eg nyttar høvet til å ordna litt på kjøkenet:

Eg har planlagt å byta benkeplate, vask og blandebatteri på kjøkenet.  Då eg fekk tett avløp og måtte ha reservedeler i ein fart til leigebuaren, tok eg avløpssystemet frå mitt kjøken.  Eg har ikkje kunna renna vatn i vasken sidan mandag, så no måtte eg ordna dette.  


 Benkeplata er truleg frå 1962 og er rett og slett utsliten!



Den nye plata er Prägel frå IKEA og liknar litt på den gamle.  I dag har eg fjerna den eine plata og tilpassa den nye.  I morgon skal eg leika røyrleggjar og byta blandebatteri.  Pappen forklara korleis det skulle gjerast, så det går nok fint.  Viss eg vert ferdig, kjem det nye bilete i morgon.