søndag 26. august 2012

Bokomslag i stoff

Då borna kom heim med bøker som skulle ha bre på, hadde eg ikkje lyst å bruka papir, for det varar ikkje eit heilt skuleår.  Ville prøva å sy omslag av stoff, eg har litt å ta av...restar og gamle gardiner til dømes. 
 
Otto sine bøker fekk omslag i blått.  Har brukt
dei gamle gardinene hans og nokre restar.




Slik gjer eg det, dette er Karina si lesebok:

Klipp stoffet 3-5cm større enn boka oppe og
nede.  Stoffet bør vera 15 cm større på begge
sidene.

Brett inn stoffet oppe og nede.

Du må berekna 2 mm ekstra både oppe og nede
så omslaget ikkje vert for trongt. 


Stryk.



Brett inn sidene.

Set i knappenåler


Klar til å sy!

Sy 1 mm frå kanten.
 
Omslaget er klart til å takast på. 



Spent på om stoffet er stivt nok til å beskytta
bokryggen godt nok.



Då eg hadde trena meg på eit par
omslag, tok det berre 10 minuttar
å sy eit omslag.  Håpar at dei
fungerara og beskyttar boka. 
Viss omslaga ikkje blir utslitne på
eit skuleår, kan dei kanskje brukast
neste år viss bøkene har same
storleik.




tirsdag 21. august 2012

Kjellargangen


Eg var ferdig med å mala kjøken,
stova og alle soveromma for eit par
veker sidan.  Det var ei god kjensle,
men etter nokre dagar fekk eg
abstinensar og gjekk laus på kjellar-
gangen sidan eg synest det var greit
å mala før eg sette opp hyller langs
veggen.

Før: blågtått tak, lysegule vegger,
rosa lister og grøne dørar.  Mørke-
grøne linoleumsfliser på golvet.

Legg merke til takhøgda: 257 cm. Eg
har i alle fall aldri budd i eit hus med
slik takhøgd før, dei to siste stadane
har det vore under 220.  Det skal ut-
nyttast.
Etter:  Taket kvitt, veggen lysegrå,
listene mørkegrå.  Dørane skal få eit
nytt strøk med grønt, synest det er
ryddig med grøne dørar når golvet og
er grønt.


Ytterklede, sko og sykkelhjelmar har
lege i banankassar sidan me flytta
inn, ikkje så lett å halda orden i det.


Etter ein del grubling kom eg fram til
denne barnehageinspirerte garderobe
løysinga!  Utgangspunktet er Gorm-
hyller frå IKEA.  Eg mala dei i same
gråfarge som listene og skøytte på dei
i høgda.
Fem hylleseksjonar etter kvarandre, ein til kvar. 
Hylleplata over skoa er til å sitja på når ein skal
kle på og av seg.


I kvar seksjon skal eg skru opp
knaggrekkjer i passande høgd til
kvar av borna og meg.  Til dess ligg
alle kleda på hylla.  Sko og ting ein
brukar sjeldan skal liggja i dei øvste
hyllene.


Har gått i gang med å mala resten av kjellar-
gangen, men eg har ikkje tålmodighet til å mala
så nøye lenger, kjenner eg.  For eksempel bak
desse røyra tek eg det ikkje så nøye.

Det er innbygde skap mange stader i
huset, men dette er spesielt:

Heimelaga varmeskap.  Eit
varmeelement (meiner eg har sett denne
typen under benkene i gamle kyrkjer)
med hønsenetting over.  Til å setja våte
sko på.  Stang til å hengja våte klede på
øvst i skapet.



søndag 29. juli 2012

Halvferdigt

Nokre har etterlyst bilete frå huset, men ingen rom er heilt ferdige.  Eg prioriterar å få malt det som skal malast, så får møblar, gardiner og pynt koma etter kvart.  Difor ser det ganske halvferdig ut overalt.  

Eg har fått panelplater på veggen. 

Eg tenkte fyrst å bruka omatt dei gamle listene,
men dei hadde vore spikra fast med firetoms-
spikar og vart ganske stygge, så eg kjøpte nye.
Eg stod på trelasthandelen og skrytte over at eg
var møbelsnikkar og skulle greia å montera
profilerte lister, men den som måtte til med
sparkelmasse i alle hjørner og skøytar, var meg!

I denne veggen var det tidlegare eit innbygt skap,
sjå her.  Skapet er fjerna for å gje meir plass i
trappa. 

Døra som går opp til loftet er veldig
smal.  Tidlegare var ho kamuflert
med same plater som var på veggen.
Eg synest det er meir naturleg om det
går an å sjå at her er ei dør.  Skal
pussa og mala døra.

Før var trappa 20 cm smalare, det var
vanskeleg for to å passera kvarandre
i trappa.  Fekk ein nabo til å laga nye
trinn så trappa fylte ut heile trappe-
rommet.

For å få den nye trappa på plass,
måtte veggen rivast, og deretter
byggjast opp igjen.  Så no må det
isolerast og nytt panel på.

Me har ein fin uteplass på verandaen, veldig lunt
og godt.

Viss me greier å oversjå rotet rundt: ei list som
held på plass solskjerminga fordi heise-
mekanismen på innsida er demontert på
grunn av plating på veggene...

...og diverse verktøy som ligg
rundtom.  Det er ganske ryddig
akkurat no, køyrde vekk eit lass med
gamle lister, plater og panel for
nokre dagar sidan.

Her under markisa er det fint å stå og
saga når det regnar...

...men på golvet kan me snart dyrka poteter i det
tjukke laget med sagflis.

Tome banankassar frå flyttinga.
Hadde tenkt å gje dei vekk til nokon
viss nokon andre skulle flytta, men så
byrja borna å saga i dei.

Mitt rom er midlertidig lager for
hylleplater, gardinstenger og panel-
omnar.  Skittentøykorga må stå på
rommet mitt fordi det ikkje er plass
på badet.
Greit å ha fleksible Ivar-hyller når
flyttar ofte - håpar likevel det ikkje
flytting på ganske lenge no.

Håpar og på å få rom åleine når alle borna sine
rom er ferdige.  Akkurat no søv Peter på mitt
rom, når hans rom er ferdig skal Otto sova i køya.

tirsdag 3. juli 2012

Oppussinga er i gang

No er det eit par veker sidan eg overtok huset, og oppussinga er i gang.  Eg har fått mykje hjelp av vener og familie, veldig godt, for eg var ikkje motivert for ny runde med oppussing i sommar.  Hadde tenkt borna og eg skulle ha ein roleg sommar i år.

Flott utsikt utover Movatnet (sjølv om me
har flottare her me leiger, det ligg litt høgare)

Mykje fine planter i hagen i tillegg til
ugraset.  Eg er så glad i Peonar!

Eg har ikkje heve meg på retro-bylgja, så
kjøkenet held eg på å mala.  Heldigvis er det
så solid laga at dei småtinga som ikkje er i
orden kan reparerast.  Ikkje verst med tanke
på at kjøkenet er 50 år gamalt!

No vert skåpa mala kvite både inni
utanpå.  Det var ganske tungt med
gulna frontar, og rotete med seks
ulike fargar inni skåpa.  Tydeleg at
det har vorte brukt malingrestar.
Veggene skal malast beige.

Stova er ikkje så stor, 25 kvadratmeter.  På
austveggen er desse sjarmerande
blyglasvindaugo.  Me har byrja setja opp
panelplater på veggene i stova.

Dette skapet var innbygt i veggen i stova og stakk
inn i loftstrappa som er på baksida av veggen slik
at den er ganske smal.  No har me fjerna skapet for
å få litt betre plass i trappa.

Dette skal verta Karina sitt soverom. 
Her var det delvis panel og delvis
strietapet på veggen.  Eg har malt eitt
rom med strietapet på allereie, stova i
kjellaren, og det vart DYRT og
tidkrevjande fordi stria trekkjer så
mykje maling.

Eg har set opp panel på dei veggene som mangla
det, no skal det snart malast kvitt.  Bak den ny-
panelte veggen er det ein liten håndvask med
 kaldt vatn, så Karina kan ta tannpussen på
rommet.

Badet er ikkje heilt moderne, men
greitt nok til at me kan leva med det
slik i nokre år.

Dette skal verta Peter sitt soverom.  Det er inn-
bygde skap både på soveromma og i gangen
i hovudetasjen.

Dette skal verta Martin sitt soverom.

Soverommet i husværet i kjellaren. 
Her er det kvitt på veggene no. 
Eg har allereie fått leigebuar, så
husværet i kjellaren var det fyrste
som vart ordna.


Kjøkenet i husværet, her vart det og
malt kvitt på veggene.