mandag 9. april 2012

Tine-finn paret

Eg har samla på ein del av dei fine mjølkekartongane frå Tine med bilete frå gardar på Vestlandet. Dei er veldig fine, særleg den med mor mi og Otto på!  Etter at me var på besøk hjå Bjarne og Johanne Margrete og spela Finn paret som var klipt ut av jule-mjølkekartongar for mange år sidan, fekk eg ideen om å laga Finn paret av mjølkekartongane eg har samla på.

Fyrst: skyl og turk, men ikkje brett.

Eg klipper opp kartongen i ei side og klipper
av botnen.

Eg brukar skjerematte og skjerehjul
berekna på stoff, då er det lett å få
korta nøyaktig like store.  Skjering i
papir sløvar bladet, men eg har tenkt
skifta det snart likevel.

Eg skjer korta 5x5 cm store.  Då går litt av
teksten vekk, men eg synest ikkje det gjer noko.
Den sida av kartongen som skøyten er på, kan
ikkje brukast.

På kvar side får eg to eller tre kort.


Eg hadde desverre berre teke vare på eitt
eksemplar av nokre kartongar, og eg er redd at
det kjem nye kartongar etter påske.  Var heldig
og fekk tak i dei fire siste skummamjølk-
kartongane på Spar rett før påske, så eg har sikra
nokre ekstra eksemplar av Sæleset-kartongen.


Etter kvart som det kjem nye kartongar skal eg
utvida med fleire kort.

søndag 8. april 2012

Maileg får nye klede

Borna fekk slike søte Maileg-kaniner
for ei stund sidan, og det kjekke med
dei er at det går an å kle av og på,
så me fann ut at me måtte utvida
garderoben.
Karina skal sy eit plagg til si kanin
sjølv.  Me legg kanina oppå stoffet...


...og teiknar rundt.  Legg merke til at
kanina allereie har fått sko, det var
viktigast meinte Karina.

Det er lettare å sy før delane er klipte ut, så
Karina syr i det doble stoffet.

Maileg med gamaldags badedrakt og
matchande sko.


Linbukse sydd av restane etter den
omsydde buksa til Karina. 
(Sjå tidlegare innlegg) Blusen
er den som kanina hadde på då dei
fekk han, det er vel egentleg ein
nattbluse.

(Jule)kjole


Begge kaninene har fått onepiece, den
rosa er sydd av ein gamal kjole med
flekker.  Den blå av ein holete fleece-
gensar.  Eg har ein tendens til å ta
vare på øydelagde klede viss noko av
stoffet kan nyttast, så det var godt å
få bekrefta at det ikkje var forgjeves.
Dei bittesmå glidelåsane var noko eg
fann på tilbud i ein stoffbutikk ein
gong.  Kjekt å ha på lager, tenkte eg.

lørdag 18. februar 2012

Bøting

Eg synest det er for gale å hiva klede når det vert hol i dei, spesielt viss plagga ikkje er så gamle og slitne ellers.  Ullklede brukar me ofte under andre plagg, så det gjer ikkje så mykje om dei er bøtte synest eg.

Hol i ei nesten ny joggebukse, eg synest
ho var litt for god til å kasta.

Sidan eg ikkje hadde stoff i same farge,
klipte eg ut eit stykke av lomma.

Det stykket eg klipte ut av lomma,
erstatta eg med eit anna stoff.

Sydde fyrst ein saum langs den rette
kanten, stoffet rette mot rette.


Deretter sydde eg rundt kanten, så no
er lomma intakt igjen...

...og det viser ingenting frå utsida.

Klart til å sy fast bota.
Ferdig.  Eg sydde med kvit tråd på
grått stoff, det hadde nok vorte meir
usynleg med grå tråd.

Neste prosjekt var seks holete ull-
stillongsar.

Denne gav eg opp.  Hola var så store,
eg hadde lappa han før, og så var han
for liten til minstemann.

Restane av ein gammal stillongs vart
til bøter.

Tidlegare har eg brukt enkelt stoff til
bøter, men denne gongen bruka eg
dobbelt stoff for å få det meir solid.

Siksakka rundt bøtene og rundt hola.
Ikkje så fint, men det går fint å ha under
ei bukse.
Små hol bøtte eg med tynt ullgarn.
Sydde på tvers etterpå og låste fast
masker som hadde begynt å rakna.




Ting går fort

Sist eg sydde ei bukse tok det sju år.  Dette prosjektet har eg hatt i hovudet sidan i sommar, men då eg fyrst sette i gang, tok det berre ein time.


Utgangspunktet var ei linbukse som eg hadde brukt.  
Holete og litt for vid i beina.

Eg ville prøva å sy ei bukse til Karina av stoffet,
så eg fann eit enkelt buksemønster.

Ferdig å klippa, berre to speglvende stykke.

Siksakka over alle sårkantar,
lin har lett for å rakna

Falden nede på buksebeina ville eg bruka til
løpegang for strikk, så eg måtte spretta opp
litt av falden før eg sydde beinsaumen.

Klart for å sy skrittsaumen,
her går det unna!

Bretta ned kanten og laga løpegang oppe.

Til slutt trædde eg strikk i løpegangane.
Ferdig!



lørdag 14. januar 2012

Serierenn på Sjusete

Kvart år vert det arrangert fem serierenn på Sjusete skiarena.  Dei yngste borna får premie om dei er med på minst tre av renna.  Når dei vert eldre er det tidtaking og premie til dei beste.  
Peter har fått startnummeret og er klar

Det var fyrste gongen for både Peter
og Karina, så eg fylgde Peter rundt
den 1,3 km lange løypa.

Litt knall og fall i nedoverbakken.

Når løparane kjem i mål, får dei varm
saft.  Otto hadde rekna med at han
skulle gå på tid i år, men det er fyrst
neste år.

Andføtes

Peter har egentleg rom i kjellaren, men han torer ikkje sova der. Martin og eg ligg i køyeseng i hovudetasjen, og no bur altså Peter og på mitt rom.  
Eg legg dei som regel til å sova i kvar sin etasje i
senga.

Men når eg legg meg, legg eg begge i same etasje.

Så ligg dei der andføtes med kvar si pute og ei
220-dyne på deling.  Til våren tenkjer eg dei får
flytta ned på rommet i kjellaren begge to.

torsdag 5. januar 2012

Ting tek tid

For snart åtte år sidan abbonerte eg på eit handarbeidsblad.  Eg ville gjerne sy bukser til eldstemann, så eg kjøpte dongeristoff (på Stof & Stil i Roskilde).  Men så skulle me flytta til Norge, og prosjektet vart nedprioritert.  Då me budde på Hellvik, klipte eg ut delane.  Guten hadde vakse, men eg hadde kjøpt rikeleg med stoff, så det var nok til å sy buksene i str 6 år.  Men syinga fekk eg ikkje tid til på Hellvik heller.  Var på nippet til å kasta heile prosjektet då me skulle flytta til Norheimsund, men eg ville gje det ein siste sjanse...

No er eldstemann ni år, men eg har ein gut på fem,
så han skal få ny bukse.  Eg fann igjen bladet med
mønsteret og alle delane.  Strikket er selen frå ei
kassert dynebukse.  Måtte kjøpa ny spole med
brunoransje dongeribuksetråd.

Sjølv om denne modellen er ganske tidlaus, valde eg
å ikkje sy heilt etter oppskrifta.  Eg hadde heldigvis
ikkje klipt beinstykka i tre deler slik det er tenkt
ifylgje mønsteret. Og sidan modellen er litt vid,
valde eg å heller ha løpegang med strikk nede
på buksa enn å falda opp på vanleg måte.

Ferdig bukse!

Pynta lommene med fine saumar.

Løpegangen nedst på beina er av eit tynnare bomulls-
stoff for at det ikkje skulle verta for klumpete.

Same stripete bomullsstoff inni lommene.
Viser egentleg ikkje, så eg må visa det
fram her.