Det er eit nedfellbart arbeidsbord! Når eg held på med syprosjekt og særleg når store stoffstykke skal klippast, har eg sakna eit stort arbeidsbord. Har bord i stova, men eg vil helst ha symaskin og utstyr ståande permanent her på soverommet. I nokre veker har eg grubla på korleis eg kunne få det til her på sove- og hobbyrommet mitt. Eg kjøpte ei kryssfinerplate litt større enn senga mi og stiva ho av med kløyvde golvbord på undersida. To bein i dei framre hjørna og hengsler inn mot veggen. Alt vart mala i same farge som veggen.
Viss eg ikkje vert ferdig med eit prosjekt før leggetid, går det i nauda an å dra fram senga og sova litt trongt. No må eg berre få tid til eit prosjekt for å prøva ut bordet!
Hei, spennande å lese i bloggen din. Det er så kjekt å sjå kva du får til med huset ditt. Du er kjempe kreativ og flink!
SvarSlettEg har nyleg flytta frå bygda, men det er ein fin plass!