lørdag 3. august 2013

Handling på favorittbutikken min

Eldsteguten har vore på sommarkorpsleir på Manger i nokre dagar.  Då me skulle henta han, var me innom favorittbutikken min i Åsane, der fann eg ein del ting:

Fin tunika i dongeristoff

Smykke av treperler. 

 Smykke av porselensperler.



Tunika i tynn bomull.

 Stropp midt på ryggen som held vidda litt inne.

 Søte knappar.


 Rutete bluse (eg elskar ruter).


Capribukse

 
 Og til slutt det eg eigentleg var på utkikk etter: ein sommarkjole.  Det spørst berre om eg kjem til å bruka han, han var litt vel rosa!  Og no skal eg avsløra kva butikk eg har vore på:  FRETEX.  Tre av plagga var heilt nye, og til saman betalte eg 340 kroner for desse tinga.  Veldig godt fornøgd!

Etter me hadde vore på Radøy, stoppa me ved Tellevik kystfort og kikka på kanonane.

mandag 15. april 2013

Hardangerbrua, rundkøyring inne i tunnell og dekka bord!

Skikkeleg hummar og kanari her i dag:
 Me var på besøk i Vallavik i påsken, og fekk sjå Hardangerbrua. Alle vegelementa utanom eitt i kvar ende var på plass.

For å koma ut på Hardangerbrua, må ein ta av i rundkøyringa inne i tunnellen.  Altså når brua er ferdig.

 Litt spektakulært med rundkøyring inne i ein tunnell!




mandag 25. mars 2013

Kva heng på veggen over senga?
















 Det er eit nedfellbart arbeidsbord!  Når eg held på med syprosjekt og særleg når store stoffstykke skal klippast, har eg sakna eit stort arbeidsbord.  Har bord i stova, men eg vil helst ha symaskin og utstyr ståande permanent her på soverommet.  I nokre veker har eg grubla på korleis eg kunne få det til her på sove- og hobbyrommet mitt.  Eg kjøpte ei kryssfinerplate litt større enn senga mi og stiva ho av med kløyvde golvbord på undersida.  To bein i dei framre hjørna og hengsler inn mot veggen.  Alt vart mala i same farge som veggen.
Viss eg ikkje vert ferdig med eit prosjekt før leggetid, går det i nauda an å dra fram senga og sova litt trongt. No må eg berre få tid til eit prosjekt for å prøva ut bordet!

søndag 24. februar 2013

Nydeleg dag på skeisebanen

Takka vere det kalde veret og mange dugnadstimar har me flott skeiseis på grusbanen i Norheimsund.  

 Me har aldri vore så mykje på skeiser nokon vinter som i år, og Otto og Karina har vore fleire gonger åleine eller saman med andre familiar.

Dei to har vorte så flinke at dei går ifrå meg.

Peter er ikkje så begeistra for skeiser, klatrar like gjerne i snøhaugane med skeisene på.

Martin klarar å halda balansen på skeisene, men i dag sat han og koste seg med kakao det meste av tida medan me andre gjekk.









Otto dreg Martin på rumpebrett, kjekt med ein snill storebror!

fredag 22. februar 2013

Orden i strikkepinnane

Eg sydde meg eit strikkepineetui for mange år sidan, men det fungerar ikkje så godt.  Nokre pinnar er for lange og glir ut av den grunn.  Strømpepinnane glir ut fordi loket er for lite til å halda dei på plass.

 Rundpinneetuiet fungerar fint

Men dei to etuia er laga av heilt ulike stoff.  Og det er viktig at slike etui matchar, ikkje sant???

 Eg har laga mange etui til strikkepinnar dei siste åra, men det har vore til julemessa eller gåver.  No ville eg laga etui til meg sjølv.  Her er rundpinneetui med 20 lommer, det er plass til mange fleire rundpinnar enn eg har.

Oppskrifta til dette etuiet kan du få gratis frå den danske bloggaren filihunkat.

  Treknappen er frå Fretex!

 Til lange pinnar.

Det var berre dei fine bambuspinnane som fekk vera med på fotografering.

Etui til strømpepinnar og tilbehør som saks og måleband.  Oppskrifta til dette finn du på sida pickles.

 Samanbretta ser det slik ut.

Ei lita nålemappe som eg laga for eit stund sidan.

I det same stoffet, som sjølvsagt er kjøpt på tilbod.  Det søte knappestoffet er kjøpt på Hardingsaumen, og det grøne er frå Stoff og stil.

 Det var nok stoff til ei veske til å ha alle etuia i og.   Til saman har materialutgiftene vore omtrent 200 kr.

Plass til eit spøt og oppi her.

Endeleg orden i strikke(og sy-)sakene!